عَ غيبتــــــــِك.....

عَ غيبتــــــــِك.....

ع َغيبتــِك ....!
ما في حكي
نام المطر
ع َحفــّة الشّبــّــــــاكْ...

و طير السـّنونو
عشعش بقلبي...
اعطيني
الوعي بنســــــَــــاكْ...

و بغيبتــِك...
نشِف الدّمع
بطــّل بكي
و عم يهرب
العشب الطــّري
من بين صابيعي
و بيموج لَ آخر عشق
دربي
يا فرحتو بملقـــَــاكْ....

و بغيبتــِك ...
عمري انتهى
و شمس الإلي
تعبان....
كيف بردّها لصدري...؟

و بتعرفي حالِك
يا بنت الروح
يللي الصبح...
عند الضهر....
بعد العصر....
بتنفــّسِك...!
و يلـّلي عيونك
ضوّ لشبابيك عينيي

بمحّـِي الصـّور
بـلغي البشر
بيعبـّق بقلبي قمر
يا ياسمين الرّوح
يللي الروح من بعدك خبر...

يا كوخ ع َضفـّة
قلب...
يا جنينة الأحلام
يا لون العشب...
لو تعرفي..؟
هالسّنديانة
كتير تعبانة ...!

و إنت بعيدةِ
بَسْ مغلغلة فيـّي..
متل الوجع
بيغلّ
بحفاف الجرح
و ناطر أنا هالصـّيف
عَ خصلة عنب
و القلب مستنـّاك.....